នគរបាលស្រុកអង្គស្នួល ឃាត់ខ្លួនជនសង្ស័យម្នាក់ និងដកហូតថ្នាំញៀន៧កញ្ចប់
11-November-2019 | ដោយ ពលមនសិការ
កណ្ដាល៖ នគរបាលស្រុកអង្គស្នួល ឃាត់ខ្លួនជនសង្ស័យជាមុខសញ្ញាទើបចេញពីពន្ធនាគារម្នាក់ និងដកហូតថ្នាំញៀនចំនួន៧កញ្ចប់ នៅវេលាម៉ោង១១និង២៥នាទី ថ្ងៃទី១០ ខែវិច្ឆិកា ឆ្នាំ២០១៩ ត្រង់ចំណុចលើផ្លូវខ្នងប្រឡាយ ស្ថិតក្នុងភូមិព្រៃសំរោង ឃុំដំណាក់អំពិល ស្រុកអង្គស្នួល ខេត្តកណ្តាល។
មន្ដ្រីនគរបាលស្រុកអង្គស្នួលបានឲ្យដឹងថាជនសង្ស័យឈ្មោះ រ៉េត សុភា ហៅពៅ ភេទប្រុស អាយុ២៧ឆ្នាំ ជនជាតិខ្មែរ មានទីលំនៅភូមិដំណាក់អំពិល ឃុំដំណាក់អំពិល ស្រុកអង្គស្នួល ខេត្តកណ្តាល។
វត្ថុតាដកហូតបានមាន៖ ម្សៅក្រាមពណ៌សថ្លា សង្ស័យថាសារធាតុញៀនចំនួន៧កញ្ចប់ (តូច៣កញ្ចប់ ,មធ្យម២កញ្ចប់ និងធំ២កញ្ចប់) ,ម៉ូតូ១គ្រឿងម៉ាកហុងដាប៊ិច ,ទូរស័ព្ទដៃ១គ្រឿង,កាបូបក្រវ៉ាត់ចង្កេះ១សម្រាប់ដាក់ថ្នាំញៀន និងសម្ភារៈវេចខ្ចប់ថ្នាំញៀនមួយចំនួនទៀតផងដែរ។
ប្រភពដដែលបន្ដថា នៅថ្ងៃកើតហេតុ នគរបាលប៉ុស្តិ៍រដ្ឋបាលដំណាក់អំពិល បានទទួលព័ត៌មានច្បាស់ការថាជនសង្ស័យខាងលើកំពុងធ្វើសកម្មភាពជួញដូរគ្រឿងញៀន នៅចំណុចកើតហេតុខាងលើ ភ្លាមនោះកម្លាំងប៉ុស្តិ៍ បានសហការជាមួយកម្លាំងជំនាញផ្នែក ប្រឆាំងគ្រឿងញៀនស្រុក ទៅដល់កន្លែងកើតហេតុ ស្រាប់តែឃើញមុខសញ្ញាកំពុងជិះម៉ូតូតាមផ្លូវលើខ្នងប្រឡាយ ឃើញដូច្នេះ កម្លាំងសមត្ថកិច្ច ក៏ធ្វើការឃាត់ខ្លួន រួចសាកសួរ ត្រួតពិនិត្យ និងឆែកបានរកឃើញថ្នាំញៀនចំនួន៧ ក្នុងនោះកញ្ចប់តូច៣ ,កញ្ចប់មធ្យម២ និងកញ្ចប់ធំចំនួន២កញ្ចប់ ដែលជនសង្ស័យដាក់ក្នុងកាបូបក្រវ៉ាត់ចង្កេះ។ បន្ទាប់ពីធ្វើការឆែកឆេររួច សមត្ថកិច្ចបាននាំខ្លួនជនសង្ស័យយកមកអធិការដ្ឋាននគរបាលស្រុក រួចកសាងសំណុំរឿងចាត់ការតាមនីតិវិធីច្បាប់។
សូមបញ្ជាក់ផងដែរថា ជនសង្ស័យខាងលើនេះ ធ្លាប់ជាប់ពន្ធនាគារនៅខេត្តកំពង់ស្ពឺ រយៈពេល៣ឆ្នាំម្ដងរួចមកហើយ ពីបទជួញដូរដោយខុសច្បាប់នូវសារធាតុញៀន ៕
ចំនួនអ្នកទស្សនា
- ថ្ងៃនេះ5771
- ម្សិលមិញ20231
- សប្តាហ៍នេះ84851
- ខែនេះ106731
- ឆ្នាំនេះ106731
- សរុប20549187